திருவாசக ஆராய்ச்சியுரை - இரண்டாம் பாகம்

திருவாசக ஆராய்ச்சியுரை ''முந்து நடுவு முடிவுமாகிய சேவடியான்' எனவும், மூவரறி யாச் சேவடியான்" எனவும் கூட்டியுரைப்பினு மமையும். 860 (நாவு. 217-3) "முதலாகி நடுவாகி முடிவானானே" ஈறுந் நடுவு முதலுமாவர்" (நாவு.230-1) "முந்திய முதல்நடு விறுதியுமானாய் மூவரு மறிகிலர்" (திருப்பள்.8) 'மூவரும் முப்பத்து மூவரும் மற்றொழிந்த தேவருங் காணாச் சிவபெருமான்' என வருவன காண்க. சிந்துரம் - செம்மை. ''சிந்துரப் பொடிகளும்'' (சீவக.86) என்புழியும் இப்பொருட்டாதல் காண்க. (திருவெண்பா 9) இதன்கண், 'சேவடியானைச் சேவகனை வரக்கூவாய்" என்பனவற் றால் ஆத்துமவிரக்கம் என்னும் பதிகநுதலிய பொருள் போதருதல் காண்க. 351 * இன்பந் தருவன் குயிலே யேழுல கும்முழு தாளி அன்ப னமுதளித் தூறு மானந்தன் வான்வந்த தேவன் நன்பொன் மணிச்சுவ டொத்த நற்பரி மேல்வரு வானைக் கொம்பின் மிழற்றுங் குயிலே கோகழி நாதனைக் கூவாய். 5 ப-ரை. கொம்பில் மிழற்றும் குயிலே - மாமரக்கொம்பிலிருந்து மழலைச் சொற்களைப் பேசும் குயிலே, உனக்கு இன்பம் தருவன்- உனக்கு மகிழ்ச்சியைத் தரும் பரிசில் தருவேன்; குயிலே - குயிலே. ஏழ் உலகும் முழுது ஆளி - எழுவகைப்பட்ட உலகங்கள் முழுவதையும் ஆள்பவனும், அன்பன் - உயிர்களின் அன்பே தன்னுருவாக உடைய வனும், அமுது அளித்து ஊறும் ஆனந்தன் - உள்ளத்திலே அமுதின் இனிமையை அளித்து மேலும் மேலும் பெருகும் இன்ப வடிவினனும், வான்வந்த தேவன் - நம்மை ஆட்கொள்ளும்பொருட்டுச் சிதாகாயத்தி னின்றும் வலிய எழுந்தருளி வந்த ஒளியுருவனும், நன் பொன் மணி சுவடு ஒத்த நல் பரிமேல் வருவானை - மாற்றுயர்ந்த பொன்னாலும் மாணிக்கத்தாலும் அமைந்த அங்கியை இட்டாற் போன்ற வடிவத் தினையுடைய நல்ல குதிரையின்மேல் எழுந்தருளிவந்தவனும், கோகழி நாதனை - திருவாவடு துறையில் எழுந்தருளியிருக்கும் தலைவனுமாகிய இறைவனை,கூவாய் - நீ வரும்படி கூவி அழைப்பாயாக. பதி குயிலே, உனக்கு இன்பந்தருவன்; ஏழுலகும் முழுதும் ஆள்பவனும், அன்பனும், உள்ளத்திலே அமுதின் இனிமையை அளித்து மென்மேலும் பெருகும் இன்ப வடிவினனும், நம்மை ஆட்கொள்ளும் பொருட்டு வானினின்று தானே வலிய எழுந்தருளிவந்த ஒளியுருவனும், நல்ல குதிரையின் மேல் எழுந்தருளி வந்தவனும், கோகழிநாதனுமாகிய இறைவனை வரும்படி கூவியழைப்பாயாக என்பதாம்.